Ekari ria itura ria kaunti nini ya Mukuyu village, Kiharu, kaunti ya Murang’a nimatigitwe nakimako vuva wa mutumia wa ukuru wa gatagati kumunda muthuri wake na kaviu na kumuraga kuvitukira ngucanio cia wendo.
Kuringana na ekari a itura riu, mutumia ucio na uria uratigitwe nyomba na kana gake ka kamwiritu, ecurirwe ni marakara vuiva wa mutumia wingi guka muciiri kwao na kumuia kuria murume wake ari, guku akiuga murume wa mutumia ucio ni mwendwa wake.
Makiongerera ekari acio maugite vuva wa murume gucooka na mucii, nivo mutumia ucio mwene mucii na uria urari a maraka ambiririe kunegenia murume na kumuria uria maicene na mutumia uria urathiete kuu kumucaria na vuva wa murume gukana na kuuga ndamwici, nivo mutumia ucio ocire kaviu na kumumunda murume na kaviu na kumuraga vauvau.
Makithie na mbere, vuva wa mwana ucio wa kamwiritu na uria ni wa miaka 6 kwona ithe amamie nthi arigicirwe ni nthakame, nivo augire mbu na varia aria maturanagi nao maukire nakwithira mundumurume ucio akuite nake mutumia wake evingirite thegi kuria mamamaga na nivo macokire kuvura rivoti gituori kia vorithi kia Muran’ga.
Riu mwiri wa mutigaire niuvirirwe nyomba ya kuiga miiri ya thivitari ya Murang’a guku mutumia ucio akiamatwa na kuvingirwa gituori kiu kia vorithi kia Murang’a uthuthuria ukigendaga na mbere.
-Murugi Ndwiga-
-Mbica irutitwe online-
