Minster wa kithomo Ezekiel Machogu nuurikitie kwanirira maumirira ma kigeranio gia Kenya Certificate of Secondary Education (KCSE).
Maumirira mama maniriritwe thiini wa cukuru wa eritu wa Moi Girls High School mwena wa Eldoret.
Thiini wa maumirira mama arutwa 899453 nio marikitie kwanirirwa maumirira mao guku aria manyitite grade ya A ni 1,216 , aria manyitite grade ya E mai 4,8173
Arutwa 4,113 nio manyititwe makiya kigeranio guku aria meyandkithitie gwika kigeranio nwati makiremererwa niitumi itiganite mari 3,143.
Arutwa aria mavotete gukorwa mai na mweke wa kwingira university ni 201,000.
Kuri mweri wa December mwaka muthiru Machogu nuwanirire arutwa 903,260 na aria marikirie kigeranio kia secondary kia mwaka muthiru magakorwa makimenya maumirira mao kiumia gia kairi mweri wa January 2024.
Maumirira mama ma kigeranio kia 2023 nimavata kwona marathiicania na kwambirirua kwa mutaratara muceru wa kithomo wa CBC.
Mambura mama nimo mambere gwikirwa nja ya Mtihani house mwena wa Nairobi.
MUNENE NYAGA.
Mbica irutitwe online
