Aikari a ituura ria Tumoek gicigo mbunge gia Kipkelion ya ithuiro kaunty ya Kericho nimagumiirwo ni kimako kinene thutha wa mutumia umwe gwikirira mwana wake thumu na kumuraga.
Muiritu uyu wa ukuru wa miaka 17, arerikana gwika giiko kiu kia unyamu kuri mwana wake wa mieri ina niundu wa itumi itoikaine.
Riboti makiria irauga nyina wa mwana ucio ni murutwo cukuruini wa kuinukwo wa secondary kaunty ya Kericho, na akirikana kuongerera thumu kuri iria na gucoka kunengera mwana wake anywe.
Kuringana na aikari, muiritu ucio arerikana gutiga cukuru na ndakoretwo ari kirathi kwa ibinda ria mieri ina, guku naguo mwiri wa mwana ucio ugitwarwo mucii wa kuiga miiri wa thibitari wa St Vincent.
Mbica irutitwo online
–Muriithi Amos-
