Wariria mandagitari a Ihope International kuuma vururi wa America mathiite na mbere kuvecana motunga ma ugima wa mwiri thivitariri ya Embu Level 5, riu minista wa ruvonge rwa ugima wa mwiri, Jaml Runyenje niugite muvango wa kwandikithia andu aria mavatie kurigitwa ni mandagitari acio niukinyite mwico.
Akiaria na njira ya mwanya na kameme ga Kimuri F.M, Jamal niugite nimanyitite namba nene muno ya arwaru na aria augite kavindari gaka niyo makwamba kurigitwa.
Akiongerera ruvonge rwa ugima wa mwiri kauntiri ya Embu nwarwende kurigita andu engi makiria, nwati arwaru aria meyumiritie nimakirite uvoti waao guku akiuga muvango ta ucio wa kuvecana motungata ma ugima wa mwiri gutari marivi ukavangwa kavinda kengi niguo andu engi mavote kuwamukira.
Mandagitari kuuma Ihope International, mambiririe kuvecana motungata ma ugima wa mwiri kauntiri ino ya Embu tariki 14 mweriri na magakinya muthia tariki 24.
Murugi Ndwiga
Mbica irutitwe online
