Komiconi ya kuruwa na ungumania nio Ethics and Anti-Corruption Commission vamwe na ovici ya nthitango cia mwingi nio Office of the Director of Public Prosecutions (ODPP) riu nimagucanitie niundu wa ciira ya ungumania ya birioni 42.7 na iria irakuruvania maavitha athatu a kambuni imwe ya guciarithia thitima vururiri ya Geothermal Development Company.
Kuringana na komiconi iyo ya kuruwa na ungumania, ovici ya nthitango cia mwingi ndiyavatie gutecaniria ciira iyo ya maavitha acio guku komiconi iyo ikiuga itua ria ovici iyo ya nthitango cia mwingi ndiyarumbuiya akenya aria mavutitue ni ciira iyo na kuuga kuu ni kwima akenya kivoto kiao.
Kuringana na wiira uria warutirue vindi ya ciira iyo, maavitha acio na aria ni a ngathi yeguru makoretue makirivithia akenya mbeca nyiingi kuvitukia kithimi niguo mamave motungata ma thitima na gukanyiriria aria avutitue makiria.
Wauguo, wyiira uria uvecanitue ni avithaa umwe wa komiconi ya EACC wonantitie kambuni iyo makoretue makirivithia motungata mau mwigana wa birioni 42.7, mugaru na uria motungata marivithagua na vau mbere na varia marivithitue birioni 19.5.
Riu EACC irenda athatu acio mamatue na kuthitangua ringi niguo akenya aria mavutitue cirari iyo magie kivoto kiao.
-Murugi Ndwiga-
mbica irutitwe online
