Miici iiri niithite igotiri makiruira kuria mundumurume wa miaka 100 nike Silas Kamuta Igweta, akuthikwa.
Mucii wambere niureganite na kuthikwa kwa mundumurume ucio muciiri wakairi.
Grace Rigiri, uria nike mutumia wambere wa mundumurume ucio niuthiite igotiri na kurigiriria mathiko mama gwikika. Kuringana nake, niwavikirite mundumurume ucio na avatii kuthikwa gwaka mucii kauntiri ya Embu.
Kunari uguo mucii wakairi kuvitukira Sarah Kathambi uria urari mutumia wa mundumurume ucio niugite mutumia ucio wambere nimatiganire na muthuri ucio miaka 40 ivutikite na kwoguo ndaina kivoto kia kuuga maturaga vamwe ta muthuri na mutumia.
Thiini wa marua iria mekirite kirore, mucio wakairi niureganite na miario ya gutuika ngina waao niwacukumire ithe waao kuthama mucii wake wambere na kuthii kundu gutecikene.
Mucii ucio kuvitukira wakiri waao Danstan Omari, nimaugite nimatumirite muigana wa milioni 5 urigitiri wa mundumurume ucio na gutiri kindu mucii wambere wacangire.
Igoti niriathanite ciira ucio kuthikirirua njumatano ya kiumia giki.
-Kaari wa Mugendi-
Mbica irutitwe online
