Ekari wa mwena wa Kianjeru, gicigo mbunge kia Mbeere yeguru maina gitumi kia gukena vuva wa ruvonge rwa kuramata urimi wa gutumira manji niruo National Irrigation Authority kwambiriria murandi wa kwenja ithima 100 cia manji mwena ucio.
Ekari acio na aria makoretue na thina wa manji kavinda karaca riu nimagukorwa makigunika na muvango ucio kuuma ithima icio ciarika kwenjwa.
Akiaria ari Kianjeru, mumbunge wa Mbeere yeguru Geoffrey Kiringa Ruku augite ekari a Kamarandi na Muthanthara ni amwe a aria magukorua makigunika guku akiuria ekari acio gutumira manji maria makoneka wega niguo kurima, kurithia na kuruta mawira maria makumaguna magitumagira manji mau.
Wavo Ruku niuritie ekari acio kugaana manji na aria matagukorwa makinyiritue nimo mbere ya ithima icio 100 irikitie kwenjua.
Mwenari wao ekari acio nimonanitie gikeno kiao niundu wa muvango ucio guku magicokeria mumbunge wao ngatho niundu wa kumeciria na kumathondekera mirandi ta iyo ya kumaguna.
-Murugi Ndwiga-
Mbica iritutwe online
