Gutura kwa mivango miega thiini wa waki a nyomba nikio gicungagirira vanene kwomomoka kwa nyomba undu uria wikiraga miturire ya andu ugwatiri.
Ino ni kuringana na Engineer Shammah Kiteme uria ni mutaaramu wa waki na uria ugite kwina vata ya aria maraka nyomba gukoragwa na mivango mikinyaniru ya nyomba iria maraka niguo kurigiria mitino ya kwomomoka kwa nyomba iria itigaga miturire ya andu engi iri ugwatiri.
Akiaria Kiteme augite aria maraka nyomba nimavatie ni kwivariria wega mbere ya mambiriritie gwaka guku akiuria atongoria na aria mavecanaga kandarathi cia miako kuroria aki ari marina wigiririki niguo mavewe kandarathi ino.
Wavo Kiteme augite aki nimavatie kuroria indo cia vata ta varavara, manji, cioro gatagati ka indo ciingi iria augite niituraga vuva wa nyomba ciarikia gwakwa guku nyomba nyingi igitigua itari na vinya.
-Murugi Ndwiga-
Mbica irutitwe online
