Andu matanyivirite 50,000 a kuuma vururi wa Uganda na aria manyamarirwe rungu rwa utongoria wa kibiraru wa Komanda Dominic Ongwen, nimagiriirwe ni kurivwa hathara ya billioni 8.2, ino ni kuringana na rivoti ya igoti ria kimavururi ICC.
Acirithania a ICC maugite Ongwen, na uria ari komanda wa aregani a kiama kia Lord’s Resistance Army, ndari na uvoti wa kuriva hathara iyo varia murigo ucio werekeretue kuri thirikari ya vururi wa Uganda.
Ongwen aikirwe ngono na akiovwa miaka 25 mwaka wa 2021, niundu wa gutavania ciiko iragarara ivoto cia umundu, na kwa ivinda riri aratungatira kiovo giake vururiri wa Norway.
-Amos Muriithi-
Mbica irutitwe online
