Gavana wa kaunti ya Embu, Cecily Mutitu Mbarire augite niwamukirite maritwa ma makiria ma iravu 500 iria ikoretwe ikithii mugaru na mawatho ma wendia wa njovi kauntiri ya Embu vamwe na kuruta wira kundu gutagirire.
Kuvitukira rurendari rwake rwa Facebook Mbarire augite thiini wa mbara iria irathii na mbere kauntiri ya Embu ya kuvitana na njovi itari mbitikiriku, thirikari yake niinyitanirite na utongoria wa matura thiini wa thirikari nene kuvurana na njovi ino na kuthiria kauntiri ya Embu.
Wauguo Mbarire thiini wa ndumiriri iyo augite maritwa mama na maria amukirite kuuma gikundi kiria kiratongoria mwena wa thirikari cia matura kuvitana na njovi ino, nimakwanirirwa kuri mwingi na kuuga maritwa mau, nimagutetheria ikundi ino igiri kuuma thirikari ya kaunti na iria ya vururiri kwambiriria muvango wa kuthurima iravu icio niguo kuvecana marua cia kwendia njovi kuri iravu iria igakorwa ikinyaniritie ikiro iria iravatarika niguo kwendia njovi.
-Murugi Ndwiga-
Mbica irutitwe online
