Thirikari ya Kenya Kwanza niikovete mbeca mwigana wa birioni 223.5 rungu rwa mieri 5 mivituku.
Ino ni kuringana na rivoti iria irekereretue ni ruvonge ra kigina na varia rugite thirikari niyocete maruni 11 gatagati ka tariki 1 mweri wa kenda mwaka muthiru na tariki 31 January mwaka uyu.
Mbeca icio ciocetue ni thirikari ya Kenya Kwanza niguo kumivotithia kugaciria kambuni ya utambia wa thitima ya Kenya Power, kwandikwa akenya makiria kuongerera mbeca iria vururi wamukagira vamwe na kuvotithia mbeu mbithi kwigithia kuringana na rivoti iyo.
Wavo kuringana na rivoti iyo, mbeca icio niciatumikire kunyitirira aria mekaraga mwena wa North Eastern, niguo kugaciria miturire yaao vamwe na gutethereria thirikari kurua na ungumania.
Runi rwa mbere ruocirwe tariki 23, mweri wa ikumi mwaka muthiru kuuma kambuniri ya OPEC Fund For International Development na iria ciari mwigana wa birioni 5 iria kuringana na thirikari ciatumikire kunyitirira andu a North Eastern niguo kuvurana na maurito maria makoretwe makivitukira.
Naguo mweri wa December tariki 6 mwaka muthiru, thirikari igioca runi rwingi rwa mwigana wa birioni 14.2 kuuma kambuni ya International Development Association (lDA) niguo gutethereria mbeu mbithi.
Maruni mengi nimacokire kurumirira kuuma vau na maria mataranirua marakinya birioni 223.5 kuringana na rivoti iyo.
-Murugi Ndwiga-
Mbica irutite online
