Bondi ya kuramata wendia na utumiri wa mbaki niyo Tobacco Control Board, manyitanirite na bondi ya kuramata wendia wa ndawa niyo Pharmacy and Poison Board nimakwambiriria mungururio wa kuvurana na indo na ndawa iria ithondekagua na mbaki mugaru na watho.
Ino ni kuringana na mwandiki mukaru ruvongeri rwa ugima wa mwiri wa mwingi, Mary Muthoni uria ugite nigukoretwe na wongerereku wa ndawa icio vururiri.
Muthoni augite ndawa vamwe na indo ciingi iria ithondeketue na mbaki mugaru na watho ikoretue ikienderua akenya na gwikira miturire yaao ugwatiri kumana na mogwati maria maraukania nacio guku akiuga ruvonge rwa ugima wa mwiri wa mwingi nirwirutirite kugitira miturire ya akenya onthe.
Riu Muthoni niwathite bondi icio igiri kwambiriria mungururio ucio nevenya kwamata aria makethirua makiendia indo icio guku akiuga ciana cia ukuru wa miaka 15 ikoretwe igitumira ndawa icio.
-Murugi Ndwiga-
Mbica irutitwe online
