Ekari a Embu gicigo mbunge kia Manyatta nimauritue gukeyumiria rucio tariki 2 mweri uyu wa kathatu kivarori kia Universtiy ya Embu na varia munini wa rais Rigathi Gachagua agakorua akithundura society ya urimi na iria iramenyeka ta Manyatta Growers’ Cooperative Society thiini wa muvango uria wambiriritue ni mumbunge wa Manyatta Gitonga Mukunji na uria uramenyeka ta “Kujituma Empowerment Programme.”
Society ino na iria ikuruvanitie arimi a gikiro kia nthi na kia gatagati ina mworoto wa kuthiria mathina maria ekari a Manyatta makoretue makivitukira miaka mingi riria mararima irio ciao.
Society ino wavo niirongoreretie gucariria arimi thoko ya indo ciao vamwe na gucaria njira cia kuvurana na maucuku ma ucenjia wa riera uria ukoretue ukiremereria urimi mwena ucio.
Riu arimi a ngandamia, makondovia, ndigu gatagati ka irio ciingi mauritue gugekinyia niguo kuona uria mangigunika na society iyo.
Mumbunge uyu wa Manyatta wavo, niuthithuritie sacco ciingi ta Mafundi Sacco na CHPs SACCO niikathundurua muvangori ucio.
-Murugi Ndwiga-
Mbica irutitwe online
