Mvotani njorua wa mavenya ma marathon na uria wavurukire kuvitukira mutino wa varavara Kelvin Kiptum, niutugitwe ta muthaki mwega vururiri mwena wa arume thiini wa mambura maria maravariritue utuku wa kuramukira umunthi ma gutuga athaki njorua vururiri na maria macekine ta Sports Personality of the Year Awards nio (SOYA).
Akiaria thiini wa mambura mau, minista wa ruvonge rwa mithako Ababu Namwamba augite ungirakoretwe wii undu mwega Kiptum angirari moyo niguo kwamukira kiveo kiu giake.
Kavindari wa kau, muteng’eri Faith Kipyegon, nake niuracindire kiveo kia muthaki mwega vururiri mwena wa atumia.
Mambura mau maragendaga na mbere nyombari ya micemanio ya Kenyatta International Conference Centre (KICC) kauntiri ya Nairobi.
–Murugi Ndwiga-
Mbica irutitwe online
