Ekari a matura ma Kibuguua na Muruatetu na muno makiria atwarithia a viki viki riu nimakenete vuva wa Mumbunge wa Manyatta Gitonga Mukunji kwambiriria muvango wa kuthondeka varavara mwena ucio.
Akiaria vindi ya icera riake ria kuthurikma uria varavara icio irathondekwa Mukunji augite kwina vata ya kuthondeka varavara cointhe kauntiri ya Embu na muno maturari niguo gutigirira ekari matirathinika riria maratumira varavara icio.
Akiongerera Mukunji augite mbeu mbithi na muno aria mekaraga kuria njira iratjhondekua nimakugunika na mawira ma kuthondeka njira icio undu uria augite niukumatethia kugunika na njira nene.
Akithie na mbere Mukunji augite vavaravara icio niithondekua na miatarata miaro niguo gutigirira niiratungata ekari a matura maui gwa kavinda karaca.
Mwenari wingi Mukunji niukumitie mivango ya gwikira manji iria iratwarithua na mbere mwena wa Matangiri kuthie Mikuuri wardiri ya Mbeti yeguru na kuuga manji maria magekirua magatetheriria ekari a mwena ucio thiini wa urimi wa gutumira manji guku akiuga murandi wa manji wa Kithimu niugucokereria kavinda gatari kuraca.
-Ireri Njagi-
-Mbica irutitue online-
