Mutongoria wa vururi William Ruto niuthundurite gitina gia 4 kia muvango wake wa Bottom Up Economic Transformation agenda thingirari wa iregi.
Akiaria umunthi vindi ya kuthundura muvango ucio, Ruto niutaririrtie uria muvango ucio thiini wa gitina kia kana ugukorua ugutethereria akenya.
Ruto augite muvango ucio niukurumbuiya maundu ma kithmo na gwikira mitaratara iria ikugaciria kithomo na gigiukiriria vamwe na gutigirira mathomo maria maravecanwa vururiri nimagikiro kia iguru na maria makuvotithia arutua kwiguna marikia mathomo mau.
Akithie na mbere Ruto augite muvango ucio niugukiriria mithako vururiri na njira ya kugaciria ivaro, na kurumbuiya athaki a mitako itiganite niguo athaki mavote kwiguna na gukiriria vururiri.
Akiongerera Ruto augite muvango ucio niugutethereria aria matavanagia ndeto nendari cia ukinyaniria kuvitukira gwikira mitatatara ya kumariva mbeca niundu wa ndeto iria matavanagia nendari icio, kuthondeka mitaratara yagutetherireria atumia na mbeu mbithi maunduri matigaganite ari vamwe na kwambiriria igina iria atumia na mbeu mbithi makagunikaga nacio gatagati ka maundu mengi ma vata maria gitina kiu gia kana kirumbuyitie.
-Murugi Ndwiga-
-Mbica irutitue online-
