Murungamiriri wa kavinda wa ruvonge rwa ugima wa mwiri Patrick Amoth augite ruvonge ruu rwikorete maunduri matiganite ma kugeria gutariria varia uvoti wao ukinyite kiginari gatagatiri ka mendekithia ma arigitani na arutwa arigitani.
Ruvonge rwa ugima wa mwiri rugumiritwe ni mathina wariri mugomo wa arigitani utonyete muthenya wa 14 muthenya wa umunthi guku makirurungana niundu wa ruvonge ruu kwaga gutuma arigitani arutwa na kwaga gukinyaniria wigucano wa mwaka wa 2017 uria ni Collective Bargaining Agreement (CBA).
Kuringana na Dagitari Amoth ruvonge ni rukoretwe na namba iria yongererekete ya interns na kanya ka aria mangivota guoca ni kanini niundu wa banjeti iria ivecanagwa ni ruvonge rwa kigina
Amoth athiite na mbere kuga ni maravatara arigitani engi na kuongererwa kwa mathivitari niguo mavote gukorwa magioca arigitani arutwa onthe aria augite mongererekaga wa mwaka.
Mbica irutitwo online
–Murugi wa Gitonga-
