Mumbunge wa Kathiani, Robert Mbui arendekithia gukorwe kuri na camera cia gwikira nguori gatagatiri ka maavitha a vorithi a traffic niguo kuthiria ungumania.
Miario ino yukite wariri komiconi ya kuvurana na ungumania vururiri irekereretie rivoti ati maavitha a traffic na vorithi mari gatagatiri ka aria nvongeri ciao gukoretwe na ciiko cia ungumania.
Uthuthuria uria wikitwe wa mwaka wa 2023 wigii ungumania na uria urarekererue muthenya wegoro wonanitie ati kuri na uvotekeku ati mavinda mengi maria motungata maracarua thiini wa nvonge ya maavitha a traffic mundu nwakorwe agitua ivaki maita 1.45.
Kuringana na mwonekanire wa mumbunge Mbui thirikari ivatie gukorwa ikireta camera cia mwiri niguo gukorwa igitethereria kuroria wira wa maavitha a vorithi mari varavarari.
Mwende Jackie
Mbica irutitwe online