Kiama kia UDA nikithiite nambere kwivariria niundu wa ithurano ciao undumwe na kumurika mathina maria meyumiritie varia muthenya wa umunthi Rais William Samoei Ruto atongoretie mucemanio muciiri munene wa kiama kiu kuariria maundu mama.
Ithurano ino ciatanyite gwikika tariki 12 mweri wa December mwaka muvituku nwati igitira niundu wa itumi itiganite.
Mucemanio ucio urekinyitue ni munini wa Rais Rigathi Gachagua, mutongoria wa aria engi mbungeri ya kivururi Kimani Ichungwa, mwenegiti wa kiama kia UDA na uria nwake gavana wa kaunti ya Embu, Cecily Mutitu Mbarire, mwandiki munene wa kiama kia UDA Cleophas Malala na kamiti ya kuramata ithurano kiamari kia UDA.
Akiaria na andiki a movoro, Malala niugite ithurano ino igekika tariki 26 mweriri niundu gikiro kia mbere gia kairi, mweri wa gatandatu nacio cia kathatu na kana mweri wa kanana.
Wauguo niuritie aria onthe matanyite kuruira giturwa wakionthe kwiyandikithia undumwe na mundu ungienda gutuika mumemba wa kiama giki kia UDA.
Mwenari wake, mwenegiti wa UDA, Cecily Mbarire niugite vuva ya ithurano ino cia maturari iria cia kaunti nicio igekika mweri wa December.
Kaari Mugendi
Mbica irutitwe online
