Ngavana wa kaunty ya Kirinyaga Anne Waiguru ni wathundura mitaratara ya kuvonokia ya kurua na mwicuro wa manji na maundu mengi maria makavataraga motungata ma nevenya kumana na mbura nene iria ithiite na mbere kura kauntiri ino.
Ndumiriri iria irekereretue muthenya wa umunthi,Waiguru niuritie andu aria maturaga vakuvi na damu thiba na matura maria marigicirie gwikara mevaririritie ikiro cia manji ikithie nambere na kwambatira, guku akiuga kwina uvotekekeku wa dam kuna nthingo ciao.
Wavo Waiguru augite kamiti ya kuramata mogwati nithondeketwe niguo gukorwa ikiroria uria kurathie na mbere na gutonyerera nevenya.
Vamily nyingi iria itigitwe itai na gwa gwikara ikoretwe ikithamira macukururi kurumirira mwicuro wa manji mwena wa Mwea guku mageria ma kuramata mwicuro ucio makithii na mbere.
Kunari uguo Waiguru niukanyiriritie vata wa andu gukorwa magioca makinyo ma kurigiriria mogwati ma mwicuro guku akiuga wa mundu ari na wigiririki wa gutigirira mitaro ya guta manji niyamenyererwa na njira ya gutiga guta giko mitarori iyo.
Mbica irutitwo online
–Murugi wa Gitonga-
