Kamiti ya mbunge ya kivururi wa waki wa varavara niyonanitie kwaga kwiganira niundu wa kwongerereka kwa namba ya varavara iria icukangitue ni mwicuro wa manji uria uthiite nambere kugumira vururi.
Matongoretue ni mwene giti wa kamiti iyo George Kariuki uria nwake mumbunge wa gicigo mbunge kia Ndia,kamiti iyo niyuritie atongoria na ekari kwaririria undu uyu guku makiuga ni ukuthararia ukui vururiri mavinda matari kuraca.
Wavo niwonanitie witikio wake thirikari nene ni iguoca ikinyo riria riagirire niguo kuramata mwicuro wa manji kumana na mbura iria ithiite na mbere kura na iria icukangitie ndaraca na na mitaro ya guta manji ma giko na uguo gucungiriria mwicuro wa manji miena itiganite.
Tariki 30 mweri wa kana,Gicunji kia varavara ya Embu kuthie Meru nikiavingitue vuva wa gwatuka.
Mioyo mingi niyurite kumana na mwicuro wa manji uria uthiite nambere kwonekana vururiri na gukinyia namba ya aria makuite 228, kugikinya muthenya wegoro na vamili 42,526 gutigwa matai na kwa gwikara .
Mbica irutitwo online
–Murugi wa Gitonga-
