Ene nvunda kauntiri ya Kirinyaga nimacakaite niundu wa wongerereku wa wii na kuthinjwa kwa nvunda miena iyo.
Kuringana na James Kibwana, uria ni mwandiki wa mungano wa arithia a nvunda gicigori kia mt. Kenya, gicigo mbunge kia Mwea nikio gitongoretie na ciiko ino na iria irekika mathaari ma utuku.
Kibwana, augite nvunda makiria ma mirongo ithatu niciitwe gwa kavinda ka mweri umwe muthiru.
Stephen Muriuki, uria nvunda ciake ciakorirwe ithinjitwe na matigari macio magitigwa njirari ya Mwea kuthii Embu, augite aii aya mararongoreria ngothi ya nyamu ino.
Hillary Murimi, augite ekari a matura ma kirinyaga makoragwa makivingia mavatara mao ma wamunthenya kuvitukira nvunda ciao thiini wa scheme ya mucere ya Mwea na wongerereku wa wii wa nvunda niuvutitie ekari aya na njira nene.
Mbica irutitwo online
–Mukii wa Mwaniki-
