Eritu ikumi kuma iturari ria Giika, kauntiri ya Meru, nimaikitwe ngono vuva wa gwikuirwa gukorwa mai agimarie.
Civu wa itura riri Gerevasio Mucheke, augite vindi ya mungururio iturari riri, aciari a eritu aya nimaikitwe ngono guku ekuirwa engi airi makithii na mbere gucaranua nao.
Eritu aya na aria ni a ukuru wa gatagatiri ka miaka ikumi na ikumi na itandatu, maramenyekire kuvitukira mutambo wa kiriu wa ukinyaniria wa Whatsapp, kuvitukira ndumiriri iria ironanagia nimarikitie kugimario.
Munini wa civu wa itura ria Marega Anaclate Mutwiri, augite kuma kwi eritu ikumi na mugwanja, ikumi nio mararikitie gutabanirio giiko giki, guku akiongerera ciiko ino itikoretwe ikiigwika maturari gwa kavinda karaca.
Ezra Muchai, uria ni mwarimu na mwikari wa itura riri augite matigukorwa magitikiria ciiko ino iturari riao, na nimagukorwa makithitanga aria mekunyitwa magiciitwarithia na mbere.
Mbica irutitwo online
–Mukii wa Mwaniki-
