Mucii umwe mwena wa Juja, kaunti ya Kiambu, niuravuranira kivoto kiao ino ni vuva ya mwana waao uria uraina miaka itano gukua vuva ya kuragwa ni gikundi kia nviti muthenya wegoro.
Gicanjama giki gia kieva ni gia kathatu gwikika gicigori giki vanduri va mweri umwe.
Mwana ucio na uria urari nike urari mwana tu kuri aciari ake aratumitwe ndukari iria ii vakuvi na mucii waao thaa imwe cia kivwai riria ntharikiro ino irekikire.
Ekari na aria maina wagagu makoretwe makirua na ntharikiro ino cia nviti varia mauritie thirikari kwingirira niundu makoretwe makirwa undu uci niuraramatwa gutaina umithio.
Kirauko kia umunthi, ekari aria marecuritwe ni marakara nimavingire varavara ya Thika mwena wa Ndarugu, makimenereria thirikari na ruvonge rwa kugitira nyamu cia kithaka niundu wa gutecaniria undu ucio.
Kaari Mugendi
Mbica irutitwe online
