Raisi William Ruto niuritie bonge iria ciagiriire kuthuthuria kihumo kia mwaki, uria ututhukire nyumbaini imwe ya gukoma cukuruini wa Hillside Endarasha Academy mwena wa Kieni ya Ithuiro, kaunty ya Nyeri na gucungiriria ikuo cia ciana ikumi na mugwanja.
Kugerera ndumiriri andikite mutamboini wake wa x, Raisi Ruto eraniire aria mekunyitikana makibutikania na gututhuka kwa mwaki ucio nime gutacukirrio makinya ma kiwatho.
Ningi nioete mweke ucio gutuma ndumiriri cia macakaya kuri aria mabutitio ni mutino ucio wa mwaki.
Mwenaini wake munini wa Raisi Rigathi Gachagua nioritie macukuru gwikira mitaratara iria yagiriire ya kuburana na miaki, ta uria ministry ya kithomo yendekithitie niguo kwithema na mitino ta iyo matuku maroka.
Mutino ucio ubanikire utuku wa kuramukira umuthi na wikirirwo mukonde ni mwaria wa rubonge rwa kibururi rwa maabitbaa a boorithi Dagitari Resila Onyango, uria augite arutwo angi ikumi na ana mathiite na mbere na kubonia nguraro cia mwaki, kurumirira mutino ucio.
Kihumo kiwa mwaki ucio Dagitari Onyano augite gitiri kiramenyekana.
Mbica irutitwo online
–Muriithi Amos-
