Vururi wa Kenya niwandikithitie mundu wa gatano uri na murimu wa Mpox na uria ni mutumia wa ukuru wa miaka 29 uria uturaga mwena wa Tumaini kaunty ya Mombasa.
Thiini wa ndumiriri iria irekereretue ni minister wa ugima wa mwiri vururiri Deborah Barasa augite mutumia ucio aragwatirue urimu ucio ni mwendwa wake na uria wari mundu wa kana gwikirwa mukonde gukorwa na murimu ucio na akomete civitariri mwena wa Nakuru.
Mutumia uyu akomete civitari ya Coast General tariki 28 mweri wa kana mwaka uyu na vuva wa ithimi kwonania ari na murimu ucio agitengwa ni andu aria engi civitariri ya Utange.
Vari araru aya atano Barasa augite andu airi nimegwite wega guku nao athatu mavingiritwe thiini wa macivitari matiganite na kuuria mathiite na mbere na kurigitwo.
Mbica irutitiwo online
Muriithi Amos
