Vava Mutheru Francis niuthiritie icera riake ria mithenya iina kuria Indonesia varia ari njirarri erekerete Papua New Guinea niundu wa gicunji gia kairi gia icera riake ria uvunjia icigori cia Asia na Oceania.
Vava Mutheru atanyitwe gukinya kivarori kia ndege kia Port Moresby kivwai kia umunthi vuva ya thavari ya mathaa matandatu na iria ni vakuvi kilomita 4700 kilometres iria ni miles 3000.
Icera ria Vava Mutheru kuria Papua New Guinea rikambiriria ruciu kirauko na gucerera Governor General, Sir Bob Bofeng Dadae, varia agacoka gucemania na nvonge itiganite vururiri ucio.
Niagacoka gucemania na ciana iria ikuruvanitue na motungata ma Callan na mitaari cukururi wa Caritas Technical Secondary.
Wauguo Vava Mutheru niutanyitwe gugacemania na athikavu a Papua New Guinea na Solomon Islands, undumwe na mavatiri, deacons, atumia na anduarume aria mari utungatiri wa Ngai, seminarians na arimu a kirira kuria Sanctuary of Mary, Help of Christians.
Kaari Mugendi
Mbica irutitwe online
