Rais William Ruto niwonanitie kieva giake kurumirira gikuu kia munini wa gavana kauntiri ya Lamu Raphael Munyua Ndung’u, uria urakuirire thivitariri muthenya wegoro.
Thiini wa mutambo wake wa ukinyaniria wa X muthenya wa umunthi, Rais Ruto niuririkanite Ndung’u aita mutongoria urerutirite kuaramata mavataro ma aria aratongoretie.
Wauguo niuvecanite ndumaniriri yake ya kumiriria mucii na arata a Raphael Munyua Ndung’u.
Mumbunge wa Kiharu Ndindi Nyoro, wanake niuvecanite ndumaniriri cia kumiriria mucii ucio guku agitariria wirutiri wa Ndung’u gutungata andu a Lamu.
Ndung’u arakuire akiamukira utungata wa urigiti thivitariri ya Nairobi. Ndeto ino igikirwa kirore ni muruangina wana angikorwa matinauga kiumo kia gikuu giake.
Kaari Mugendi
Mbica irutitwe online
