Muikuirwo wa wiki nai niarathirwo utuku wa kuramukira umuthi,na angi eri makithara na nguraro cia rithathi, mwena wa Piai wardi ya murinduko, gicigo mbunge kia mwea ya ithuiro kaunty ya Kirinyaga.
Athatu acio makoretwo mari mbatonini ya eki nai iria inakurubania andu makiria ya atandatu aria mahobaniirio ni maabithaa a borithi, aria mauma muriungo, magitua nduka mwena ucio.
Agikira mukonde giiko giki Komanda wa maabithaa a borithi wa Mwea ya ithuiro Patrick Nyaanga, augite maabithaa a borithi kuuma ceceni cia borithi cia Piai na Itangi, nio makorereire mbatoni iyo ya eki nai mathaini ma thaa inyanya cia utuku wa kuramukira umuthi.
Maabithaa a borithi nimabotire kubonokia ngari iria ekuirwo acio mekubuthagira, bamwe na indo ingi itiganite cia uici.
Nyaanga eraniire miriungo ya utuku no ikuthii na mbere tauni ciothe mwena wa Mwea, niguo gutigirira wiki nai niwathira kaimana .
Mwiri wa muikuirwo ucio niutwarirwo nyumbaini ya kuiga miiri ya Kerugoya, guku uthuthuria ukithiaga na mbere.
Mbica irutitwo online
–Muriithi Amos-
