Arwaru aria maracaragia urigiti thibitariini munene wa Iten nimaratigirwo matawaini thutha wa arigitani a gikiro kia Nurse kwaga gwikinyia thibitariini niguo kunyita itemi mugomoini.
Arigitani acio aria ni amemba a mungano wa Kenya Nationa Union of Nurses rubonge rwa kaunty ya Elgeyo Marakwet , maugite matigucokereria wira kinyagia riria thirikari ya kaunty ikongerera namba ya arigitani makiuga nigukoretwo na ukunderu wa ateithiriria acio a marigitari.
Magitongorio ni mwandiki wao Benson Biwott,maugite matiracoka wira kinyagia riria thirikari ya Elyego Marakwet igakinyaniria maundu maria maretia,guku makiuga marabatara nurses manyibirira makorwo 101 na ningi makauga magakinya 275 uruti wira nowagirire na njira njega makiria.
Mwenaini wake minister wa ugima wa muiri kaunty ino Michael Kibiwot, oritie marigitari aya gucokereria wira guku akimerira nimarageria uria wothe mangibota niguo gutigirira nimakinyaniria maundu maria maretia guku akiuria muingi kugia na ukiriria.
Mbica irutitwo online
–Muriithi Amos–
