John Njiru Kathangu na uria ni muteteri wa ivoto cia arimi augite thirikari iria iri kuo niiregete kwongerera kigina gia kauwa mbeca undu uria uviriririte thogora wa kauwa kuthii nthi.
Kuringana na Kathangu thirikari ya Ruto yavatii kwongerera makiria ma billion 2 nwati yongererete million magana mugwanja matheri.
Mwenari wingi Njiru Kathangu augite mbeca cia arimi a kauwa niirikitie kuvecanirwa mwerekera ituike cia kurutwa gutari na mwerekera wa gutethia murimi.
Akithii nambere Kathangu augite wanathengia ya arimi gukorwa mavecanite mawoni maao kuri thirikari ya raisi Ruto ndirenda kumathikiriria kuria augite thirikari ya Kenya kwanza ndiri na vata na Mt Kenya kuria auritie nginya munini wa raisi gwitikira gutiganiria giturwa kiu kwona niatura agiitwe nginya mwico.
Kunari uguo Kathangu nuuritie ambunge gwitikira gutetera arimi kuria acokeretie Gathoni wa Muchomba ngatho niundu wa kurugama na andu a kirima.
Munene Nyaga
Mbica irutitwe online
