Muthikavu murugamiriri wa diocese ya Embu, Anthony Muheria niuritie akristiano gukoragwa na mavinda ma kuvoya Ngai niundu matukuri mama andu nimekirite muno maundu maao na kuriganirwa kugia kavinda na muumbi waao.
Akiaria vindi ya ngunguiro cia miaka 38 ya witikia diocesiri ino ya Embu, miceniri ya Holy Trinity, Gwakaithi muthikavu Munene Muheria niuragire ni kavinda ka andu gwicokera na kugia mavinda na Ngai.
Wauguo niurakinyiriria vata wa kunyivia maunduri monthe.
Gucokia ngatho ni undu uvatarite kuramatwa ni mundu wowonthe niundu vau nivo irathimo makiria cionekaga.
Sacrament ya Eucharistia nayo niivatarite kuvewa gitio kiayo na uramati uria wagiririkite.
Muthenya uyu nwaguo miceni ikoragwa ikireta kigina kiao kiria magairitwe kia wirugamiri wa diocese ino ya Embu na kiria gicekine ta Self Reliance.
Ngunguiro ino irekinyitue ni atongoria matiganite kuuma kaunti ino ya Embu matongoretwe ni uria wari senator Lenny Kivuti, mumbunge wa Mbeere yeguru Geoffrey Ruku, murugamiriri wa atumia Pamela Njoki Njeru gatagatiri ga engi.
–Kaari wa Mugendi-
