Murandi wa manji ma kurima wa Kibugu Nguviu ukinyite gicunji kia 65 vari igana ino ni kuringana na kambuni iria ivetwe kandarathi ino ya Rigolma Limited.
Uria urugamiririte kandarathi ino akiaria muthenya wegoro vindi ya icera ria mumbunge wa Manyatta Gitonga Mukunji na ACC niuratariria varia makinyitie.
Murandi ucio wavecanirwe mwakari uyu na utanyitwe gukinya muthia mwaka wa 2026 indi kambuni ino niugite kwiina uvotekeku munene wa kumrikia mbere yam waka ucio.
ACC niutariritie na kuuga murandi ucio wiina urugamiriri wa mirioni 222 kuuma ruvonge rwa thirikari rwa urimi wa manji.
Mukunji niugite kwari na thina munene wigii wagi wa manji miena ya Kibugu na Gicherori wana thengia ya manji gukorwa maumite mwena ucio. Akiongorera makiria ma micii 900 igakorwa na manji ma kurima.
Wauguo niugite akaraniria na kamiti ya murandi ucio niguo ivote gwitiria andu kuriva kavora gutuika amemba niundu nigukoretwe kwiina ciuria kumana na aria maretigira kuingira murandiri ucio.
Mbica irutitwo online
–Kaari wa Mugendi-
