Wagi wa kuugania mawoni niugumirite thirikari ya Kenya Kwanza waringi.
Ino ni vuva ya muvango wa thirikari wa gutua nvonge cia thirikari cia andu kiumbe kuvitukira watho wa Privatisation Act, 2023, kuringa ithiga varia igoti inene riraugire watho ucio ni mugaru na katiba na ndwagiririkite.
Akivecana itua riake njanji wa igoti inene Chacha Mwita niugite mbunge niyaremirwe nikuvingia mutaratara wa wongania wa kura ya mawoni niguo gukinyinaria ikiro iria irendekana. Akithii na mbere kuuga marua ithathatu iria ciavecanirue ari vamwe na anyiti itemi anini itingivota kurugamirira mawoni ma mwingi ta uria yendekithitue thiini wa katiba icunji cia 10 na 18.
Nyomba ya micemanio ya K.I.C.C.ni gatagatiri ga nvonge cia thirikari iria ingiatuika cia andu kiumbe angikorwa watho ucio ungigakorwa uvingitie katiba.
Nvonge ciingi ivonoketue vamwe na KICC, ni National Oil Corporation of Kenya, Kenya Vehicle Manufacturers Limited, Mwea Rice Mills, Western Kenya Rice Mills, Rivatex East Africa na thNumerical Machining Complex gatagatiri ga ciingi.
–Perpetual Mwende-
Mbica irutitwo online