Maavithaa a vorithi kuria Gatundu ya Itherero kaunti ya Kiambu nimarathuthuria gicanjama kigii murutwa wa urigiti na uria kurerikana akuire vuva ya gwicuria njumaviri ya tariki 22 mweriri.
Mwiri wa ndagitari Desree Moraa Obwogi, murutwa wa urigiti thivitariri ya Gatundu Level 5 Hospital, wonekanire ucurite kuuma balcony ya nyomba iria mekaraga na muratawe mita nini kuuma thivitariri ino wiina mukanda ngingori.
Gutimenyekanite wega kiria giacangire murutwa ucio kwiyuraga wana kuaga kwiina marua atigite akionania gukorwa aina mavinda marito gicigori giake kia kurutira wira.
Murutwa ucio arutirite wira thivitariri ucio vanduri va ciumia inya tu vuva ya kuthamira guku kuuma thivitari ya Nakuru Level 5. Ndonekana ringi vuva ya muthenya wa njumaviri varia arutite wira mathaa 36.
Ndeto ikiritwe mukonde ni OCPD wa Gatundu ya Itherero, Stella Cherono.
Kurumirira gikuu kia murutwa ucio kiama kia arigitani kia Kenya Medical Practitioners, Pharmacists and Dentists Union (KMPDU) kuvitukira mwenegiti waao Central Kenya, Maina Githinji nimauritie gukorwa na riera riega ria kurutira wira.
Kaari Mugendi
Mbica irutitwe online
