Vuva ya kavinda karaca ka ngucanio ndetori igii utongoria wa kiama kia Jubilee muthiari igoti inene nirivecanite mwerekera na gutecaniria mucemanio uria wekirwe ni Kanini Kega mwena wa Nakuru varia Rais muritau Uhuru Muigai Kenyatta atuikite nike mwenegiti wa kiama giki.
Kuringana na njanji Janet Mulwa kiama kia kuramata mathina ma ciama nikio Political Parties Disputes Triburnal nimarumirire mitaratara iria itagiririkite na gutecaniria mawoni ma andu aria engi.
Itua riri nirirakenererue muno ni amemba a kiama giki aria marekinyitie kumenya itua rigii ciira ucio na uria ukortwe ukithii nambere kavinda karaca.
Wauguo njanji Mulwa niureganite na matua maria mocirwe mucemaniori mwena wa Nakuru na kuthengutia Kanini Kega aita mwandiki munene wa kiama giki kia Jubilee, Adan Keynan aita munini wa mwenegiti na Sabina Chege anyitiririte giturwa kia mutongoria wa kiama gwa kavinda.
Mbica irutitwo online
–Kaari wa Mugendi-
