Nelson Amenya uria nike wathithuririe miario igii kambuni kuuma vururi wa india gukorwa niyo Adani gukorwa igioca urugamiriri wa kivaro kia ndege kia Jomo Kenyatta International niugite ndari na undu wa kwirira wana gutuika uturo wake wii ugwatiri.
Marua maria atambirie nendari cia ukinyaniria mweri wa mugwanja nicionaniririe kambuni ya Adani Group, ni gitonga kiria kinene muno vururiri wa India, Gautam Adani, na varia makoretwe makiaraniria na Jomo Kenyatta International Airport niguo mavote kurugamirira kivaro giki vanduri va miaka 30.
Miario ino yekikaga na thiri gutaina muoroto wa andu engi kugia mweke wa kuvewa kandarathi ino wana kana gutonyua miarori ino.
Amenya niugite Adani niwendaga kuiga gicunji kia 18 vari igana wana vuva ya kavinda ka miaka ino 30 ya urugamiriri, undu augite ni wa kumakania.
Mwenari wake, Sheila Masinde, uria nike urugamiririte ruvonge rwa Kenya rwa Transparency International na ruria rumurikaga maundu megii ungumania niugite maundu mama marikuo ma andu gwitigira miturire yaao gukorwa iri ugwatiri.
Akiongorera nimonete andu aria mathithiuritie maundu mama makinyamarua, kunyitwa migwate na nginyagia kuvewa mikana ya watho.
Akiongorera gukoretwe kwiina watho wa Whistleblower Protection Bill mbungeri vanduri va miaka 11 na uria utoceretwe makinyo.
Nelson niuravatara kugitirwa niundu mama ekite niundu wa mwingi wa Kenya, ino ni kuringana na Masinde.
Mbica irutitwo online
–Perpetual Mwende-
