Itu ria kieva nirigumirite itura ria kandogu wardiri ya Mutithi kauntiri ya Kirinyaga vuva wa mundumurume wa ukuru wa miaka 53 na uria urakoretwe agicaranua nake ethiriritwe ari mukuo ndari ya kithima.
Vamiri ya mutigairi yonire mwiri wa mwendwa wao ndari ya kithima kia uraca wa viti 15 na kiria kiratumikaga kurima .
Mutigairi araurire mathaari ma thaa mugwanja muthenya wa igoro .
Muruanyina na uria uramenyekana ta Harrison Nyaga augite marakoretwe magicarania nake matakumuona kuma mutumia wake auga ndaronekana.
Civu wa kavida wa Mutithi Felistas Gitau agikira kirore ndeto ino augite amenyithirue ni andu a itura iguru rigii rivoti cia kuonekana kwa mundumurume uyu .
Mwiri wa mutigairi niurikitie kurutwa kithimari ni aturi a mwena ucio mari ngwataniro na maavitha a vorithi kuma stationiri ya vorithi ya Kiamaciri guku nakuo mwiri ukivirua nyombari ya kuiga miiri ya kibugi wetererete gwikirua kithimi kia post-mortum.
Mbica irutiwo online
–Muriithi Amos-
