Kiroko kia umunthi, karigati ka musyi Munene wa Nairovi, maavitha a vorithi marari varavarari cionthe ithiete mbunge kwa wingi niguo kuivingiriria.
Maavitha a vorithi njirari ino makoretwe makithima andu na kumauria ciuria mbere ya kumaitikiria kuvituka.
Wongerereku wa urangiri niwonekete gukurwa ukivitukania mbunge na gukorwa uri kundu kwingi kaunty ya Nairobi.
Kuringana na avitha wa borithi thirikari niivariritie muno kumana na maundu maria maumirite mautetiri. Wongereku wa urangiri ukiite niguo kwivariria kuvurana na wongerereku wa thagathaga.
Kivwai kia igoro mbeumbithi makoranite mutandaori wa X nimamenereretie thirikari ya mutongoria wa vururi William Ruto makirigirira uvotekeku wa mirurungano angikorwa thirikari niikuthie na mbere na, kuria maugite ni kurega kwathikira iboto cia andu vamwe na gutongoria na kithuri.
Gukikuruvanua arata a muruiri wa iboto Kebaso Morara, uria arikitie gwikwa ngono, nimendeithitie kurekererua gwake makiuga angikorwa tiarekererua nimagukorwa makirurungana.
Thagathaga ino iraukira kavinda gaka ndereti ya kuruta Munini wa vururi giturwari iraivokwa gukinywa mbunge, igicangira wagagu wa giuteti na kwaoguo gucangira wongerereku wa ugitiri Muciiri wa Nairovi umuthi.
Mbica irutitwo online’
–Perpetual Mwende-
