Mbunge ya kibururi nianiriire kurugamia ciikaro ciayo cia ruciu alamisi tariki 3 mweri wa ikumi mwaka wa 2024,niguo kugia na mebariria ma gutwarithia na mbere ungania wa mawoni thiini wa mutaratara uria urathii na mbere wa kubagura munini wa Raisi Rigathi Gachagua.
Itua riri riria riratongororio ni mutongoria wa aria aingi mbungeini ya kibururi Kimani Ichung’wah, rirakinyaniririo thutha wa ndereti iyo ya kuruta Gachagua gituruani gukinyio mbere ya Spika wa mbunge Masika Wetangula.
Ndereti ibaririo gugatwarithio na mbere kwambiriria thaa ithatu cia kiroko tariki 8, mweri wa ikumi 2024 kinyagia bwaini muthenya ucio.
Ichung’wah akinyiriirie kuuga kwina bata munene wa gukurubania muingi na njira nene guku akiuria ambunge kunyita mbaru mubango ucio oro undumwe na gukurubania muingi kinyagia maturaini.
Gatagati ka athiriti a bakubi a Raisi William Ruto aria mareriibaniririe na dereti iyo ni mumbunge wa Kiharu Ndindi Nyoro bamwe na angi.
Aria maranyitire dereti iyo mbaru nimoritie kugacirithirio kwa ugitiri wao makiria oro undumwe na wa mutongoria wa bururi Dagitari William Ruto.
Mbica irutitwo online
–Muriithi Amos-
