Mbunge ya kibururi niyuritie muingi kwiumiria niguo kubeana mawoni mao, megii riendekithia ria kuruta munini wa raisi Riagathi Gachagua, kuuma wabicini.
Kugerera ndumirir iria yandikitwo ngathini ya thirikari, muingi uritio kubeana mawoni mao na njira ya kwandika kana kugweta bindi ya mibang’o ya kunganio kwa mawoni macio, muthenya wa Jumaa kiumia giki, kuuma thaa igiri cia kiroko kinyagia thaa ikumi na imwe cia bwaini.
Mawoni macio matanyitwo kueanwo kuri karani wa mbunge ona kana gutumwo kuri email address iria nio impeachment@prliament.go.ke mbera ya kurikirira kwa muthenya wa tariki ithano mweri wa ikumi mwaka wa ngiri igiri na mirongo iri na inya.
Ndeto makiria irauga mawoni macio matanyitwo kurogotwo kuuma ceceni iria andu maricemanagia, niguo kumaneana kuri bonge itiganite.
Kumwe gwa kuria gucaguritwo gwa kunganirio mawoni, ni bamwe na nyumba ya micemanio ya KICC,iria igukurubania mawoni kuuma icigo mbunge cia Westlands, Dagoretti North na Dagoreti South, Lang’at, Kibira, Roysambu, Kasarani, Ruaraka na kungi.
Andu a kuuma icigo mbunge cia Gatundu North na Gatundu South, Juja, Thika, Ruiru, Githunguri, Kiambu, Kiambaa, Kabete, Kikuyu, Limuru na Lari, mataritwo gukinyia mawoni mao Kiambu Social Hall.
Mbica irutitwo online
–Muriithi Amos–
