Ategi a nthamaki iriari ria Lake Victoria nimonanitie wagagu wigii unyiviriru wa Nthamaki cia muthemba wa Tilapia, ugicangirwa ni kuthukangua kwa iria riu vamwe na utegi thamaki na njira cia ngungo.
Ekari a miena iyo maugite muthemba ucio wa nthamaki ukoretwe ukinyivirira guku mathirika ngurani makou na ma miena imarigiciritie makirekereria giko iriari riu.
Ategi thamaki a Muhuru Bay vamwe na a Migingo island, muthenya wa igoro maugite, vamwe na uthukangia wa iria, gukoretwe na utegia thamaki wa ngungo guku gugitumirwa njira itavatere ta kuroga thamaki, kurwa kuo nigucukangia.
Hamis Oyunga, mutegi wa thamaki Muhuru bay augite, kavindari gatai varasa matikoretwe makigia maketha mega ma thamaki.
Guku akiuga wona angikorwa thamaki cionthe niiranyivirira, iria ivutitwe muno ni Muthemba wa Tilapia, gugituma ategi a thamaki engi gutegia mithemba ingi.
Kuringana na Charles Juma, Mutegi wa nthamaki wa Migingo, maita mengi nimategagia giko, ivuthuritie maratathi ma nyroni na plastic, netiri ciao cia utegi.
Niundu wa gitumi giki, ategi nthamaki engi nimongererete thogora wa nthamaki, amwe ao makiciendia mbeca nginyu ciringi 1,200.
Mbica irutitwo online
–Ireri wa Njagi-
