Murugamiriri wa atumia kaunti ya Kirinyaga Jane Njeri Maina niwititwe ni ruvonge rwa kuthuthuria wiki naai niundu acokie ciuria cigii muvango uria wikuo wa kuvanga andu aria makuvaragania mutaratara wa kuugania mawoni ma mwingi niundu wa ndereti ya gwikua nja kwa munini wa rais, Rigathi Gachagua.
Kuringana na Njeri auritwe gwikinyia oviciri cia DCI kuria Kerugoya thaa inya cia kirauko muthenya wa umunthi.
Njeri niugite aramukire ndumiriri ikiuga niororotwa na kuvanga andu aria makareta mbukaniriro vindi ya muvango ucio wa wogania wa mawoni ma andu muthenya wa njumaa.
Thiini wa ndumiriri ino na iria irathomirue ni mbunge ucio mbere ya andiki a movoro, avithaa uria urathuthuria ndeto ino Abraham Mugambi aniuritie Njeri gwikinyia oviciri ya DCIO, Kirinyaga niguo avote kuvecana utheri makiria ndetori ino.
Guku akiongerera gwitwa gwake oviciri ino ni njira ya kumwikira gwoya niundu wa uria akoretwe akinyitirira munini wa Rais, Rigathi Gachagua.
Niuthiite nambere kuuga undu uyu wiina muoroto wa kureta gwoya kuri ekari a Kirinyaga aria manyitiririte munini wa rais na njira nene niguo matikeyumiria muvangori ucio na uria ugekikira kuria oviciri cia Kirinyaga Central Constituency NGCDF.
Guku akiongorera niukuthii nambere kuuria mwingi wa Kirinyaga gukeyumiria na wingi niguo mavote kurutithia woira kivoto kiao gigatiba.
Mbica irutitwo online
–Kaari wa Mugendi-
