Taratisio Ireri Kawe, muteteri wa ivoto cia umundu na mwenegiti wa kiama kia NARC Kenya kauntiri ya Embu niariritie andu a Embu na Kirima gia Kenya guku akimauria matigaitikire kuruta munini wa motongoria wa vururi Rigathi Gachagua gitiri akiuga kuu nigutumirwa naai.
Niagute gutiri giiko munini wa mutongoria wa vururi aikite givatarite arutwe gitiri kia wathani akiongerera ati mutongoria wa vururi nike wiina mavitia manene nginya gukiruka munini wake.
Kawe niumurikite Rais Ruto na kuuga ari munini wa mutongoria wa vururi vindi ya wathani wa Uhuru Kenyatta wanake niwamuturire gitio na akimuruma na ruriri rwake.
Niuthiite na mbere kuuga angikorwa munini wa mutongoria wa vururi ni muvitiu avatarite gwikua ngono na kuvingurirwa ciira igotiri na angikorwa niakunyitikana na mavitia, ovwe. Angikorwa ti uguo, niauritie andu a kirima matagetikire gutumika niguo kuruta Gachagua gitiri giake kia wathani.
Kawe agitara aria mangikorwa makimereria giti kiu kia munini wa mutungoria wa vururi mata, gwetera nginyagia mwaka wa 2027 makathurwa rio.
Mbica irutitwo online
–Perpetual Mwende-
