Ruvonge rwa kuroria maundu ma andu aria mekaraga nja ya vururi, muthenya wa igoro rugite rutiragia eandikithia thengia wa akenya amwe gukorwa mavoete utethio kuma kwi nyomba cia mauvoro makiuga niavingiririe ni andikani ao aria marikitie gutorokera kundu kwingi.
Vururi wa Lebanon ukoretwe ukitharikirwa ni maavitha a mbiraru kuma vururi wa Israel aria makoretwe makiguima gikundi kia Hezbollah vai kavinda ka ciumia igiri nvitoku.
Vururi wa Kenya ugite wamenyithirie Akenya meandikithie wariria kuonekanire thagathaga cia mbara ino nwaitambe kuma kwi Gaza igakinya Lebanon.
Kuringana na Roseline Njogu, mwandiki mukaru wa ruvonge rwa kuroria maundu ma andu aria mekaraga nja ya vururi, Akenya aria mari vururiri wa Lebanon ni 26,000. Roseline akiuga, mavotete kuvonokia andu mataiakinyu igana guku namba ya Akenya aria meandikithitie igikinya 3,500.
Vururi wa Kenya uvangite kuvinga wiandikithia wa kuruta Akenya vururiri wa Lebanon tariki 12 mweri wa ikumi guku ukiuga aria magakorwa mateandikithiu nimagatigirirwa. Kwina uvotekeku akenya aria marauga matingivota kuma kuria mekarite matikavota gutetheka.
Mukenya wawonthe ena wendi wa kuuma vururiri wa Lebanon ataritwe eandikithie kuvitukirira link: https://www.diaspora.go.ke/lebanon.html kana avure thimu kwi
+96590906719, +96171175006, +254114757002.
Mbica irutitwo online
–Perpetual Mwende-
