Gicunji kia ambunge kuuma gicigo kia Mt Kenya na aria maranyitaga mbaru gwikua nja gwa munini wa Rais Rigathi Gachagua nimagite na ugaruruku wa kimeciria.
Ambunge acio Geoffrey Wandeto wa Tetu, Rahab Mukami wa Nyeri na Njoroge Wainaina kuuma Kieni nimaugite matikuthii nambere na muvango ucio.
Undu ukite muthenya umwe vuva ya maritwa maao kugwetwa mbungeri ya kivururi mari gatagatiri ka ambunge aria marikitie gucaina ndereti ino na kuminyita mbaru niguo maikie nja munini wa rais kuuma oviciri.
Ambunge aya na ario amumite thiini wa kaunti iria Gachagua aranyitwa mbaru na njira nene ya Nyeri nimaugite vaina vata ya miario gatagatiri ka Rais na munini wake.
Ambunge engi kuuma kaunti ino ya Nyeri nimaugite nimakuthii nambere kunyita mbaru ndereti ino. Naao ni Eric Wamumbi wa Mathira, Wambugu Wainaina kuuma Othaya na Duncan Mathenge kuuma tauni ya Nyeri.
Kavindari wakau, murugamiriri wa atumia kuuma kaunti ya Embu, Pamela Njoki, niwonanitie gucenjia gwa itua riake. Thiini wa marua iria andikite, Njoki niugite niwacainire ndereti ino nwati niwethengutitie kuminyita mbaru ino ni vuva ya kwaraniria na ekari a kaunti ya Embu.
Kaari wa Mugendi
Mbica irutitwe online
