Muteteri wa ivoto cia mwingi Morara Kebaso niwikorire akiurira ugima wake ari Bomas of Kenya vuva wa thagathaga kumira ivindari ria kungania mawoni ma mwingi megii ndereti wa kuruta munini wa rais Rigathi Gachagua oviciri.
Gicanjama kiambiririe vuva wa arumiriri a Kebaso na andu matamenyekanite kwambiriria thagathaga guku andu acio makienda Kebaso aume nja ya Bomas.
Kebaso aravorerete gitiri etererete ivinda riake ria kuruta mawoni riria andu aya matamenyekanite marakarire na kumutharikira na iti.
Wavau andu engi nimatonyerere na mambiriria kwingata Kebaso guku arangiri ake magitonyerera na kumuruta kuo.
Kebaso niarageretie kumiriria nwati aremwa niundu wa kutharikirwa na iti. Kebaso niugire ngurario kurumirira gicanjama giki.
Mwende Ireri
Mbica irutitwe online
