Ruvonge rwa ngirigaca na ruria niruo munyigi nyigi wa utonga wa vururi niruvutitue na njira nene ni mawatho maria mendekithitue makirikana kuthararia urimi na njira nene kuonthe vururiri.
Ikundi itiganite nicionanitie kwaga kwiganira kwao niundu wa mendekithia matiganite, marathii mugaru na gicunji kia mirongo itano gia gatiba ya kenya undumwe na gutwika ngarama nene kuri arimi vururiri.
Kuringana na gikundi kiramenyekana ta Kilimo cha Haki maugite kuthondekwa kwa ruvonge rumwe rwa kuramata urimi vururiri, nigukwongerera thogora wa urimi undumwe na kureta ivinga kuri arimi kuonthe vururiri.
Riendekithia rimwe rwa watho na riria riavota kuvutia arimi na njira nene, ni gutigirira arimi onthe nimagia na certificate ya kumetikiria kurima undumwe na mathomo ma gikiro kia diploma maunduri megii urimi nio Agricultural studies.
Kwaga gwika uguo vaini igakorwa kiovo kia miaka iiri njera, kana vaini ya ciringi itanyiviire ngiri magana matano wana kana cioiri.
Kuringana na Mary Kathomi wa gikundi kia Kilimo cha Haki, augite bill ino na ingi iria iravutia murimi niikuthararia mivang’o ya kuve vururi irio, kwona vururi wa Kenya ni vururi wikiriire urimi na njira nene.
Umunthi arimi matanyite kururungana nja ya ministry ya ngirigaca, nja ya thingira cia mbunge ya kivururi na ya senate, mbere ya kuvira ciira igotiri inene niguo kuregana na bills icio.
Amos Muriithi
Mbica irutitwe online
