Mutongoria wa aria engi mbungeri Kimani Ichung’wah augite miario ya Gachagua na andiki a moboro andiki muthenya wa igoro kivwai, akiaririria kurutwa gwake oviciri,irari njira ya kuiendithiria kuri muingi.
Gachagua uria arekuirwa na gucungira rumena, kurega kwathikira raisi William Ruto, mitugo micuku, ungumania vamwe na mavitia mengi, araririe andiki a movoro gwa kavinda ka mathaa mairi ari mekaroriri make Karen, Nairovi, agiteterera kumana na itumi cia kumuruta oviciri.
Munini wa raisi niateaniritie ndereti iyo iviritwe ni mumbunge wa Kibwezi West Mwengi Mutuse akiuga ni ya gutungwa.
Kabindari kamwe niaragwetire muruang’ina wake mutigairi James Nderitu Gachagua, uria wakuire ni murimu wa cancer akiuga indo imwe aratuikika kugia na njira itari mbagiriru agire kuma kuri ke.
Akiaria methari imwe ya moboro kavinda kanini vuva wa munini wa rais kuariria andiki a movoro, Ichung’wah etite giko kiu njira njerere ya kuendithia kuri andu.
Ichun’gwah avananitie gikiro giki na kiria gia Gachagua kuvoya urekero muthenya wa Jumavili guku akiuga ambunge timavenererua ni miario yake magitua itua ria nderetini ya kumuruta oviciri muthenya wa umunthi.
Mbica irutitwo online
–Perpetual Mwende-
