Mutetiri wa ivoto cia ateti, Morara Kebaso niwikitue ngono waringi, mithenya minini vuva ya igoti kumurekereria na kumuthengutiria nthitango iria ciatumite aikue ngono nthi ya ciumia igiri nvituku.
Agikira kirore gwikua ngono gwake kirauko kia umunthi, Morara niugite anyitirwe ari muciiri wa Nairobi niundu wa kithigithigi kiria kiaumire Bomas of Kenya njumaa nvituku kuria mwingi wa Kenya weyumiritie kuvecana mawoni maao riendekithiari ria kuvagura munini wa Rais giturwari giake.
Ndeto makiria ikionania Morara ocirwe ni maavithaa aria maraina ngari muthemba wa Subaru na kuvirwa stationiri ya vorithi ya Lang’ata kuurua ciuria.
Ithaa rimwe mbere ya gwikua ngono gwake, Morara niuramenereretie kunyitwa migwate gwa Cornelius Ronoh, uria ni avithaa uria urugamiririte ukinyaniria wa kiriu kiamari gia
Kanu utuku wegoro kuria Fedha mwena wa Embakasi.
Kaari wa Mugendi
Mbica irutitwe online
